- Global Voices teny Malagasy - https://mg.globalvoices.org -

Shina: Ho vita hatreo ve ny politikan'ny zaza tokana?

Sokajy: Shina, Fampandrosoana, Politika, Tanora, Zon'olombelona

Araka ny voalazan'ny Time magazine, dia mety hiova ny politikan'ny zaza tokana, anankiray amin'ny maha shina an'i Shina ankehitriny. Taorian'ny fandrisihan'ny tompon'andraikitra momba ny fandrindrana ny fiainam-pianakaviana avy any Shanghai tao amin'ny gazetim-panjakana ny mpivady hiteraka roa vokatry ny fahanteran'ny mponina sy ny tahotra tsy hisian'ny ho avy mamiratra izany. Kanefa manoloana ny resabe naterak'io fanambarana io tany ivelany dia nametraka arofanina ity tompon'andraikitra ity ny 25 jolay 2009 ary nilaza fa efa nekena tany Shanghai ny fiterahana zaza 2 hatramin'izay ary tsy mampirisika ny kaominina handray fanapahan-kevitra mifanohitra amin'ny an'ny fanjakana akory izy.

Efa taranaka 3 nifandimby izay dia namelona zaza tokana hatrany ireo ray aman-dreny shinoa satria izay no notakian'ny lalàna momba ny fandrindrana ny fiainam-pianakaviana tany an-toerana. Kanefa ny fihetsiky ny kaominina any Shanghai izay mandrisika ny mpivady tanora hiteraka anankiroa hisorohana ny fahanteran'ny mponina ao aminy, tsy dingana voalohany ho an'ny mpitondra sinoa hanova ny politikan'ny fandrindram-piterahana ve izany?

Azo lazaina fa mandinika ity politikan'ny zaza tokana ity i Beijing ankehitriny, politika izay nitondra vokatra teo amin'ny fivelarana ekonomika niaraka tamin'ny fanovana nataon'i Deng Xioping 30 taona lasa izay, kanefa novidiana lafo ihany tamin'ny fanerena teo amin'ny lafiny ara-tsosialy izay navesatra sy toa nifanipaka.

Niteraka resaba teo amin'ny tontolon'ny bilaogy ity vaovao ity, tahaka ny maha resabe azy ihany koa any amin'ireo gazety maro any an-toerana. Ao amin'ny Foreign Policy dia milaza i James Downie fa fanovana lehibe no miandry ireo tanàn-dehibe sinoa:

Dingana lehibe ny fampidirana ity fanovana ity any amin'ireo tanàn-dehibe sinoa, ary hahaliana ny hahafantatra ny fe-petra horaisin'i Chine hialana amin'ny politikan'ny zaza tokana (politika mbola malaza).

Azo lazaina f a miteraka fikorontanana eo amin'ny mponina any Shanghai ity politika ity. Milaza ny momba ny vesatra holanjain'ny taranaka ho avy i Brendan Malone:

Mampatahotra an'i Shanghai tokoa ny tsy fahampian'isa, satria tsy ampy intsony ny tanora lahy sy vavy hiahy ny fahanteran'ny mponina.

Mpitoraka [1] bilaogy hafa indray no milaza fa tsy ny lafiny ekonomika ihany no ovain'ity politikan'ny zaza tokana ity:

计划生育政策是我们的国策,但不是永远的办法。在上个世纪70年代推行计划生育政策时,中央和国务院的许诺是30年,现在30年已经到了,就应该承诺。

Politika nasionaly ny politikan'ny zaza tokana. Kanefa tsy midika izany fa tsy misy kianina ny momba azy, ary tsy natao ho mandrakizay koa izy io. Tamin'ny taona 70 dia nilaza ny governemanta sy ny solombavam-bahoaka fa natao haharitra 30 taona ihany ity politika ity, 30 taona aty aoriana, fotoana tokony hanajana ny teny nomeny amin'izay izao.

Satria tsy mety raha ny tanànan'ni Shanghai irery ihany no mahazo miteraka mihoatra ny anankiray:

凭什么上海想生二胎就可以生,难道上海不属于中国,上海经济有特权,难道人也有特权吗?老龄化可以放开户口限制,坚决抗议。

Fa nahoana no Shanghai irery no mahazo manao izany? Fa angaha tsy ao anatin'i Shina izy? Efa nahazo tombony ara-ekonomika izy, ary ankehitriny koa dia mitady tombony amin'ny fahazoana miteraka mihoatra noho ny olona hafa? Laviko an-kitsirano izao ny hoe fihenana noho ny fahanterana.

Vehivavy iray avy any Sichuan, vavy tokan'ny ray aman-dreniny, dia mahita fa mafy tokoa izany hoe tsy afaka hiteraka afa-tsy anankiray ihany satria tsy mipetraka any Shanghai:

如果准许生二胎 那么任何夫妇都应该可以生 为什么要有那么多条条框框呀?不成了特殊群体的特殊权利了吗?我老公有个哥哥 我是独生子女 我们都在外地工作 家也安在外地 有个儿子 我还想着生个女儿呢!

Raha avela hiteraka fanindroany ny ray aman-dreny dia tokony ho mahazo manao izany daholo ny mpivady rehetra eran'ny firenena. Fa maninona no ametrahana fe-petra sy lalàna be ohatr'izany eto amin'ny firenentsika afa-tsy Shanghai ihany? Manana rahalahy ny vadiko fa izaho kosa vavy tokana. Miasa sy monina lavitra ny misy anay izahay miaraka amin'ny zanakay lahy tokana. Te hiteraka vavy koa anefa izahay!

Milaza kosa ity mpitoraka bilaogy iray ity fa raha samy hiteraka fanindroany daholo ny sinoa dia misy fiantraikany koa izany:

中国这个世界人口大国,难道还嫌人口不够多?事实上,鼓励二胎的努力,主要目的是为了平衡劳动力的变少和老龄人口的增多。多年来,中国的计划生育政策一方面取得了巨大的成功,另一方面似乎又非常失败。它有效控制了人口,但却又导致了强制堕胎现象出现。

Te hitombo bebe kokoa ihany angamba ity firenena efa be mponina indrindra eto ambonin'ny tany ity. Ity fijery vaovao ity, izay natao hampitoniana ny ahiahy lehibe ny amin'ny fahanteran'ny mponina sy ny fihenan'ny olona afaka miasa dia fihetsika ofisialy hanoherana ilay politika izay noheverina ho mahafa-po kanefa koa nahitana lesoka goavana. Raha natao fa handanjalanjana ny fitomboan'ny mponina izy ity, dia nitarika koa ho amin'ny fanalan-jaza antery.

Milaz [2]a i Chen Jibing mpanao gazety ao amin'ny bilaoginy fa ity fanovana ity dia miteraka ahiahy ihany ho an'ny mponina teratany avy any Shanghai:

我个人认为,这里还有更深层次的心理原因——“你想不想生二胎”这个问题背后,隐含的其实是上海乃至整个中国东南沿海发达地区的一种文化焦虑。

Araka ny hevitro manokana dia misy antony eo amin'ny fisainana ny fanontaniana hoe “Mbola te hiteraka ve iaanreo?” Avy amin'ny tahotra eo amin'ny lafiny ara-koltoraly izany, mahakasika an'i Shanghai manokana sy ireo faritra any an-tsisin-tany mifanakaiky aminy.

在上海,我相信每个像我这样年龄的中青年父母都会有一个不大不小的烦恼——孩子不愿也不会说上海话。按照目前的这种趋势,恐怕不需要再过30年,曾一度被全国人民拿来作为讽刺小品素材的上海方言将会基本消失。

Any Shanghai, heveriko fa manahy ireo ray aman-dreny tanora tahaka ahy ny hahita ny zanany tsy hahay hiteny Shanghai intsony. Raha mitohy izao zava-misy izao dia azoko antoka fa ao anatin'ny 30 taona dia tsy ho heno intsony ny teny Shanghai, izay teny fampiasa amin'ny tantara kely isan-karazany.

George Sun [3]