Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Iran: Horaka “Ho lavenona i Rosia” nandritra ny vavaka zoma

Nandritra ny vavaka zoma ny 17 jolay lasa teo izay natao tao amin'ny anjerimanontolon'i Téhéran dia nangataka ny hamotsorana ireo mpanao fihetsiketsehana marobe nosamborina tany Iran taorian'ny fifidianana filoham-pirenena ny 12 jona lasa teo ny filoha teo aloha Ali Akbar Hashemi. Fifidianana nahalany an'i Mahmoud Ahmadinejad.

Manohana tsy misy fepetra an'ilay mpanohitra Mir Hossein Moussavi i Rafsanjani. Sambany hatramin'ny fifidianana no nitarihany vavaka isan-joma.

Mpanohitra maro any an-toerana no nandray anjara tamin'io vavaka zoma io, ary ny sasany miakanjo maitso, loko lasa hamantarana ny hetsika Moussavi.

“Ho lavenona i Rosia”

Hatramin'izay rehefa mivavaka zoma dia ny antsoantso hoe “Ho lavenona i Amerika” sy ny hoe “Ho lavenona i Isiraely” no nahoraka. Ankehitriny indray dia novana hoe “Ho lavenona i Rosia”, satria ampangain'ireto mpanohitra ireto ho nandray anjara tamin'ny fanazaran-tena nataon'ny miaramila mpanao famoretana iraniana i Rosia.

Amin'ity lahatsary manaraka ity, nalaina tsy lavitra ny toeram-pivoriana, dia henonao ny feon'ny lehilahy iray miantsoantso mafy hoe “Ho lavenona i Amerika”, “Matesa ny mpihatsaravelatsihy”, “Ho lavenona i Angletera”, ho valin'izany kosa dia mihorakoraka ny rehetra hoe “Ho lavenona i Rosia!”.

Saminejad miresaka ny zava-nitranga, no nilaza fa nisy resa-pady vaovao nofohazina androany.

Iraneema kosa no nilaza tao amin'ny twitter fa nodoran'ireto olona ireto ny sainam-pirenena rosiana.

Nanaparitaka ireto mpanao fihetsiketsehana miakanjo maitso ireto ny mpitandro ny filaminana tamin'ny alalan'ny fanipazana entona mandatsa-dranomaso. Taorian'ny fivavahana dia nihorakoraka indray ry zareo hoe “Allaho Akbar” (lehibe andriamanitra) sy ny hoe “miongana ny mpanao didy jadona””.

Indro sarimihetsika fito noraketina nandritra ny fihetsiketsehana androany:

Fandresena mamy marikivy

Iraneema no nilaza tao amin'ny twitter fa mpanao fihetsiketsehana 12 no nosamborin tao Téhéran androany.

Hadi Nili nilaza tao amin'ny twitter” (namaly an'i @onlymehdi) “Nanafika mpivavaka ny polisy! Nataoko fa anisan'ny governemanta tsy hanao izany velively i Iran!”.

POLICE attacked the prayers! I think Iran is among very few governments who ever attacked to Prayers!

Mpiasan'ny BBC News, Jim Sciutto no nilaza tao amin'ny twitter fa tsy nalefa tamin'ny fahitalavim-panjakana iraniana ny kabarin'i Rafsanjani.

Jomhour no milaza fa nihoatra ny nantenaina ny kabarin'i Rafsanjani satria dia nanakiana tanteraka ny famoretana natao tamin'ireo mpanohitra miakanjo maitso izy ary nilaza koa izy fa “fandresena vaovao indray androany no azon'ny hetsika maitso iraniana”.

Mollah Hassani no nanoratra fa niseho ho tsaratsara kokoa noho ny niandrasana azy i Rafsanjani. “Tsy nanaja an'i Ali Khamenei, mpitarika lehibe izy, ary tsy nilaza zavatra ratsy mihitsy mikasika ny hetsika maitso”

Hamid Tehrani

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.