Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Rivodoza Nargis tany Myanmar herintaona taty aoriana

Nandravarava ny faritra atsimon'ny vinany (Delta) Irrawaddy ny rivodoza nahafaty olona iray tamin'ny volana mey 2008 ka mihoatra ny 2 000 000 ny tra-boina tamin'izany. Notombanana fa 138 000 ny isan'ny maty ary 200 000 no tsy hita popoka tamin'iny fandalovan'ity rivodoza ity. Herintaona taty aorian'ny voina navelan'ny rivodoza Nargis, dia mbola mijaly ireo sisa niangana ary tsy mandeha ilalana ihany koa ny ezaka fanorenana indray. Mbola ilaina ny fandraisana anjaran'(ny malala-tanana) hamonjena ireo sisa-patin'ny rivodoza.

Maro amin'ireo tra-boina ireo no tratran'ny fahakiviana lalina saingy ny 11% ihany no mahazo fikarakarana ara-pahasalamana. Mihoatra ny 40%n'ny tsy manan-kialofana no ankizy; ary maro amin'izy ireo no mora andairan'ny tazo sy ny fahasarota-pisefoana (pneumonia).

Misy ny velovelom-poana amin'ny alalan'ny fihazana voalavo sy biby hafa any an-tsaha. Nisy koa nitatitra fa niakatra ny tahan'ny fivarota-tena eny amin'ny vinany noho ny fiharatsian'ny toe-karena.

Mihoatra ny atsasa-manilan'ny sisa niangana no mbola miankina amin'ny fanampiana ataon'ny malala-tanana. Lasa olana lehibe ho an'ny mponina manodidina ny vinany ny fitrosana:

According to the United Nations World Food Program, 51 percent of households reported that they are still relying on food aid from humanitarian agencies, while only 25 percent said they could feed themselves…About 83 percent of households said they have been in debt through the purchase of rice.

Araka ny tatitra ataon'ny sampan-draharahan'ny firenena mikambana misahana ny sakafo dia mahatratra 51%n'ny tokantrano no miankiba amin'ny fanampiana ara-tsakafo ataon'ny vondrom-pifanampiana isan-karazany, raha ny 25% monja no miteny fa afa-mamelona ny ao an-tranony… Tokony ho 83%n'ny tokantrano no milaza fa bokan-trosa noho ny fividianana vary.

Voalazan'ny tatitra ihany koa fa nandritra ny fahatsiarovana ny herintaonan'ny rivodoza Nargis, dia tratran'ny sivana ampiharin'ny Sampam-panjakana manaramaso ny haino aman-jery ny lahatsoratra miresaka ny zavamisy marina any amin'ny toerana tratran'ny rivodoza.

Mitaky ny mangarahara amin'ny fitondrana momba ny fanampiana ataony any amin'ny faritry ny vinany Vondron'ny Naman'i Burma. Mitaky ihany koa izy ireo ny hanafahana ny gadra politika izay nofonjaina satria nikarakara asam-pamonjena voina tamin'ny herintaona:

We want to demand the Burmese government to open more for relief and recovery in the effected area with transparency and respect to human rights.

We demand for releasing 21 prisoners that have been arrested due to relief work

Miangavy ny fitondrana Birmana izahay ny hanokafany kokoa miaraka amin'ny fametrahana ny mangarahara sy fanajana ny zon'olombelona ny fidiran'ny asam-panampiana any amin'ny faritra iharam-boina.Miangavy ihany koa izahay ny hamotsorana ireo gadra 21 izao nosamborina satria nanatontosa asam-pamonjena voina.

Na dia eo aza ny ezaka fiaraha-miasa ataon'ny vondrona iraisam-pirenena hanampiana an'i Myanmar, dia tsy mifanaraka amin'ny ilaina ny fanampiana vita. Notombanan'ny Firenena mikambana fa mihoatra ny US$691 000 000 no ilaina hamitana ny famonjena voina.

Nomarihan'ny mpandinika fa kely dia kely ny fanampiana natokana ho an'i Myanmar raha oharina tamin'ny nataon'ny firenena maro nandritra ny voina navelan'ny Tsunami tamin'ny 2004. US$300 000 000 no noraisin'i Myanmar, nany 2.5%n'ny lany nandritra ny tsunami tamin'ny 2004.

Mitaraina noho ny fahasarotana mahazo azy ireo ny mpiasan'ny fanampiana rehefa mitatitra ny fanampiana any Myanmar:

Difficulties encountered by aid workers: logistical; the difficulties and dangers of reaching villages only by small boats, navigating the tides and the weather of the Delta. Note visa restrictions, travel restrictions, and the government stealing supplies….

Ny fahasarotana mihatra amin'ny mpiasan'ny fanampiana: ara-pitaovana; ny fahasarotana sy ny loza eny ampitetezana ny tanàna madinika amin'ny alalan'ny lakana, misosa araka ny onja sy ny toetrandron'ny vinany. Ny karazam-pandrarana ao amin'ny visa, ny famefifefena amin'ny fivezivezena, ary ny halatra fitaovana ataon'ny governemanta.

Edward Hew avy ao amin'ny Sampan'asam-pamonjena MERCY Malaysia no manoratra ny momba ny tetikasam-pananganana any Myanmar amin'izao fotoana izao

A year later, we have seen many projects up and running, many still in progress. But there are those who still suffer in silence. There is so much to be done. Many had use the Tsunami as a lesson to implement the intervention here.

A year has passed and most projects are yet to focus on sustainability but are still on emergency intervention. I have seen many shelter projects that may not survive the next thunderstorm. For example, latrines built with tarpaulin sheets instead of local materials like bamboo, a sturdier choice which is easy to maintain.

Herintaona taty aoriana dia mahita tetikasa maro mijoro sy mandeha isika, ary maro no mandroso. Saingy misy ireo mbola miaritra mangina. Maro ny zavatra tokony atao. Maro ny nampiasa ny Tsunami tahaka ny lesona hidirana an-tsehatra taty.

Nandalo ny herintaona fa maro ny tetikasa tokony hifantoka amin'ny fananganana zavatra saingy mbola mionona amin'ny fanampiana noho ny fahamehana hatrany. Nahita fialohfana maro tsy hahajoro akory amin'ny tadio ho avy manaraka aho. Ohatra, ny toeram-pidiovana vita amin'ny rarin-dravina fa tsy mba vita amin'ny bararata izay matanjaka nefa mora karakaraina.

Raha te-hahita ny vaovao farany momba ny androm-pahatsiarovana ny rivodoza Nargis ianao dia tsidiho ireto vohikala manana pejy manokana ny toe-draharaha teny amin'ny vinany (Delta): The Irrawaddy, Mizzima, ary ny A Diary of the Cyclone Nargis.

Fantaro ny tantaran'i Daw San Yee izay niangana tamin'iny rivodoza iny amin'nyalalan'ny fijerenao ity lahatsaryYouTube ity:

Mong Palatino

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.