Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Brezila: fahatsiarovana an'i Ayrton Senna, Tompondaka F1 tsy nety resy

Ayrton Senna da Silva. Velona tsy mety resy, maty tsy misy mahasolo voasolo”, hoy ny iray amin'ireo vohikala maro mahatsiaro ilay intelo tompondaka erantany tamin'ny Formule 1, ary nanohina an'i Brezila sy izao tontolo izao ny fahafatesany tamin'ny voalohan'ny volana mey 1994. Nitari-dalana nandritra ny Grand Prix de San Marino 1994, tsy nahafehy ny fiara nentiny i Senna ka nampisosa azy teo amin'ny fiolahan'i Tamburello. Niteraka alahelo lehibe teo amin'ny mpankafy azy ny fahafatesany,raha vao 34 taona monja izy ka mbola isaonany hatrany 15 taona aty aoriana.

ayrton-senna-photo-19

“Raha sanatria tratran'ny lozam-piarakodia mety hiantraika amin'ny aiko aho, iriko raha tonga dia maty aho. Tsy tiako ny hotarihina amin'ny seza misy kodiarana. Tsy tiako ny hijalijaly any amin'ny hopitaly amin'ny karazan-dratra na voina rehetra. Raha mbola miaina aho, dia aleoko miaina izany manontolo, feno sy mavitrika, satria olona mavitrika aho. Manimba ny fiainako raha miaina tapatapany aho.”

Ny anaran'i Ayrton Senna amin'izao fotoana izao no anisan'ny be mpametraka indrindra ao amin'ny Andavanandro breziliana ao amin'ny Twitter. @biellebrunner ohatra namoaka sary iray mampiseho ny famangiana nataony teo amin'ny tsangambato teo amin'ny toerana nahafatesan'i Senna, teo amin'ny fiolahan'i Tamburello. Vinicius Cordeiro [pt] tamin'ny fiandohan'ny herinandro no iray tamin'ny nahatsiaro ny fahafatesany voalohany tamn'ity taona ity. Hoy izy hoe:

Toda vez que 1º de maio se aproxima, meu coração fica apertado: mais um ano sem Ayrton Senna… Eu estava vendo aquela corrida. :'(

Feno ny foko isaky ny manatona ny voalohan'ny volana mey: taona iray hafa tsy misy an'i Ayrton Senna indray… nanatrika ny hazakazaka aho tamin'iny fotoana iny. :'(

Tsy irery i Cordeiro mijery fahitalavitra indray alahady izay maizina indrindra teo amin'ny tantaran'i Brezila. Nahita ny fahafatesan'ilay Aotrishiana Roland Ratzenberger i Imola iray andro monja mialoha ny loza nahazo an'i Senna. Tsy misy very ao amin'ny fahatsiarovan'ny olona maro ny sary, ny fialan'aina, ny hirifiry niainana. Hoy i Guilherme Tsubota [pt] mahatsiahy ity andro mahory ity:

O dia da sua morte, infeliz coincidência também do aniversário da minha mãe, foi um dos piores que já vivi. Lembro da empolgação e da certeza que a partir daquele GP de Ímola o Ayrton ia virar o jogo sobre o “alemão”, e como sempre acordei cedo para ver a corrida.

Sentei no sofá e ali fiquei o resto do dia, acompanhando atônito a todas as notícias. Convidados do aniversário?!? Não vi ninguém entrar e sair, não lembro de ter falado com ninguém. Só lembro das imagens e notícias que a Rede Globo disponibilizava sobre o acidente do Senna.

Os dias seguintes viraram história, e qualquer pessoa daquela geração, principalmente os paulistantos, lembram-se de como a cidade parou para homenageá-lo. Impressionante, coisa nunca vista antes.

Andro ratsy indrindra tamin'ny fiainako ny fahafatesany, izay indrisy nifanandrify indrindra tamin'ny vaninandro ahatsiarovana ny nahaterahan'ny reniko. Tsaroako ny fahataitairana sy ny fitokisana fa amin'ity Loka lehiben'i Imola ity, dia hahasongona ilay “Rainiboto” i Ayrton, ary araka ny mahazatra dia nifoha maraina aho hijery ny fifaninanana. nipetraka teo amin'ny sezalava aho nandritra ny tontolo andro, nanaraka ny sombim-baovao rehetra tamim-pahagagana. Aniveriseran'ny vahiny? Tsy nahare izay fahatongavana na fahalasanan'ny hafa aho, tsy tadidiko akory ho niresaka taman'olona aza aho. Ny hany tsaroako dia ny sary sy ny tantara navoakan'ny Globo TV broadcast momba ny loza nahazo an'i Senna.

Niditra ho tantara ny andro manaraka, ary nahatsiaro izay rehetra niaina tamin'iny fotoana iny, indrindra ny avy any São Paulo, hoe tahaka ny ahoana ny niatoan'ny tanàna ho fanajana azy. Tena nahavariana, zavatra tsy mbola hitako mihitsy nialoha io fotoana io.

ayrton-senna-photo-20

“Any andro iray, mandritra ny toe-javatra iray, mieritreritra ianao fa manam-petra. Ary dia manatratra io fetra io ianao ka tratranao izany, dia hoy ianao, ‘Okay, hatreto ny fetra.’ raha vao tratranao io fetra io, dia misy zava-mitranga ary dia mbola afa-mihoatra kely tampoka ianao. Miaraka amin'ny herintsainao, fikirizanao, herimponao sy ny traikefanao mazava loatra, dia afa-misidina avo ianao”

Nanararaotra nahatsiaro ny rainy izay fan(ina) an'i Senna sady misy fifanandrifian-javatra mahagaga mampanakaiky ny rainy amin'ny maherifony i Eduardo P.L [pt]. Ho an'ity mpamaham-bolongana ity dia kamban'alahelo no iainany:

Num sábado, há 15 nos atrás, eu estava num restaurante almoçando, quando fui avisado pelo telefone, que meu pai falecera! Fui para o apartamento dos meus pais, e com minha mãe e irmãos, uns poucos amigos e familiares enterramos o Dr. Santo. No domingo seguinte, portanto um dia depois, morre o Senna. Até aí só uma triste coincidência. Uma semana após chega o corpo ao Brasil, é velado e enterrado no mesmo cemitério, ao lado da tumba do meu pai. Onde estiverem, estão juntos como gostaria meu pai.

Indray Asabotsy, 15 taona lasa izay, teo ampisakafoanana tao amin'ny restaurant iray no naharay antso nilaza fa maty ny raiko! Nankany an-tokatranon'ny ray aman-dreniko aho, dia nandevina an'i dokotera Santo izaho sy ny reniko, ny mpiray tampo amiko, namana sy olompantatra vitsivitsy. Tonga ny alahady, izany hoe andro iray taty aoriana, maty i Senna. Raha heverina, fifanandrifian-javatra mampalahelo. Herinandro taty aoriana dia tonga teto Brezila ny razana, ary taorian'ny fiandrasam-paty dia nalevina teo anilan'ny fasan-draiko izy, miray tokotanim-pasana ry zareo. Na aiza na aiza misy azy ireo, miara-dalana izy ireo tahaka izay notadiavin'ny raiko.

Ricardo Vieira [pt] no manazava ny tsy fahafaha-mionon'ny olona anarivoarivony teo ampahalasanan'i Senna:

A partir daquele fatídico domingo, Senna deixou milhões de órfãos, inclusive eu, de suas alegrias, de seu exemplo de vida, de sua determinação profissional e seu maior do moral: a humildade. (…)
Apesar da triste lembrança, apesar da saudade, temos muitos motivos para reverenciar a vida e a obra de Senna.

Namela olona an'arivoarivony, ary anisany aho, ho kamboty ny fifaliany, ny ohatry ny fiainany, ny asany sy ny fahazotoany ary ny ngeza indrindra tamin'ny hatsarany dia ny fanetretenany i Senna tamin'ity alahady tsy azo nivalozana ity. (…)
Na dia eo aza ny fahatsiarovana mampalahelo, na eo aza ny embona, dia manana antony maro hanajana ny fiainana sy ny asan'i Senna isika.

15 taona no lasa, fa nasehon'ny Birao Breziliana misahana ny antotanisa sy ny fitsapana ny hevitry ny olona fa i Ayrton Senna hatrany no be mpankafy indrindra eny fa na dia ho an'ireo taranaka taty aoriana tsy nahalala azy fahavelony sy nanaraka ny asany aza: manakaiky ny 400 ny tanora anelanelan'ny 15 ka hatramin'ny 19 taona no saiky niteny avokoa fa i Senna no mpanao fanatanjahantena ankafiziny indrindra. Tahaka an'i Pele, dia nanome faharisihana ny Breziliana hanana fanajana eo amin'ny sehatra iraisam-pirenena i Senna. Eo anatrehan'izany dia mino i Alan Ferraz [pt] fa ny lova tsara indrindra napetrak'i Senna dia ny nahafahan'ny Breziliana mirehareha. Mihetsi-po izy eo am-pahatsiarovana azy:

Enquanto escrevia esse post não pude conter as lágrimas, mesmo após 15 anos. Acredito que isso se repita em todos os que amam a fórmula 1 e que foram apunhalados pelo destino com a partida de nosso eterno campeão.

Dia 1 de maio de 1994 estará para sempre na mente de todos que após esse dia não puderam mais ouvir o: Ayrton, Ayrton, AYRTON SENNA DO BRASIL.

Tsy tanako ny ranomasoko eto ampanoratana, na dia 15 taona aty aoriana aza. Mino aho fa ho tahaka izany avokoa ny fahatsapan'ireo tia Formula 1 sy ankona (toy ny voatsatok'antsy) tamin'ny fahalasanan'ilay tompondakanay mandrakizay. Ho fahatsiarovana mipetraka mandrakizay ao an-tsain'ny rehetra tsy nahenoana ny hira manakoako manao hoe: “Ayrton, Ayrton, AYRTON SENNA DO BRASIL” intsony ny ampitso ny voalohan'ny volana mey 1994.

ayrton-senna-photo-21

“Ao anatin'ny rako ny mifaninana mihazakazaka (fiarakodia). Anisan'ny tenako, anisan'ny fiainako; io hatrany no ataoko mandritra ny fiainako. Ary io no voalohandaharana mialoha ny zavatra hafa rehetra”

Asehon'ny gazety ho miavonavona sy mpihatakataka, mirona kokoa ho amin'ny fandresena fa tsy amin'ny fiaraha-mientan'ny mpitia fanatanjahantena, nampiady hevitra ihany koa ity mpanamory ity teo anatrehan'ny mpijery. Nefa samy nahatsapa ny rehetra, ary tafiditra amin'izany ny tsy mpankasitraka azy loatra tahaka an'i Wilton Sturm [pt], fa tsy mbola nisy aloha ny tahaka an'i Senna:

Me orgulho de dizer que assisti todas as suas 41 vitórias.

Ficou a impressão de que quando finalmente estava relaxando um pouco, se dando o prazer de apreciar outras coisas que não os champanhes das vitórias, Ayrton Senna se foi.

Hoje, sinto e lamento sua falta. E me esforço para tentar não julgar suas atitudes e sim lembrar suas belas atuações. Nunca fui aquele super “Sennista”, mas costumo dizer que em pista, ou seja, disputando uma corrida de Fórmula 1, Ayrton Senna foi o melhor que eu vi!!! Pretendo um dia visitar seu jazigo e não sei qual será minha reação, mas provavelmente direi “obrigado” pelas grandes corridas, pelas grandes ultrapassagens, pelas grandes vitórias que ele me proporcionou assistir!

Afa-mirehareha aho raha milaza fa nanatrika ny fandresena rehetra nahatratra 41 nataony. Tahaka ny tsapa fa efa nanomboka nanala azy ihany izy, efa niditra tamin'ny fankafizana fahafinaretana ankoatra ny fanapoahana champagne aorian'ny fandresena, dia lasa i Ayrton Senna.

Ankehitriny, banga ny fisiany ary malahelo azy aho. Miezaka aho ny tsy hitsara ny nataony fa hahatsiaro kosa ny zavatra tsara tontosany. Tsy tena “Sennist” loatra aho hatramin'izay saingy, tiako kosa ny milaza, fa mandritra ny fifaninanana Formula 1 iray, dia i Ayrton Senna no mahery indrindra tamin'izay hitako hatramin'izay! Te-hamangy ny fasany aho indray andro any fa tsy fantatro aloha izay fihetseham-poko, fa angamba aho hiteny hoe “misaotra” tamin'ireny fifaninanana goavana ireny, ny fandresena mahafinaritra nasehony ahy!

Namoaka andian-dahatsoratra manokana ho fahatsiarovana an'i Senna ao anatin'ity voatsonga ity i Ricardo César [pt]:

Primeiro de maio de 2009. São exatamente 15 anos de uma perda sentida até por quem não torcia por ele. Lembranças de quem como eu que acompanhei os 10 anos de sua carreira na F1. Imagens de batalhas e conquistas, de manhã de tarde ou de madrugada.

Lembrança de quem um dia deixou de existir como homem, para renascer como mito, talvez o maior ídolo já produzido por um país carente de heróis. Mais um da Silva como muitos brasileiros que nunca desistem. Aquele que será para sempre o nosso campeão.

Valeu, Ayrton Senna.

Voalohan'ny volana May 2009. 15 taona katroka izay ny fahatsapana fa nilaozana na dia ho an'ireo izay tsy niankim-po taminy aza. Misy ny fahatsiarovan'ny olona, tahaka ahy, izay nanaraka ny hazakazaka nataony hatramin'ny fahafolo taonako. Sarin'ny fifanandrinana sy fandresena, isa-maraina, isa-tolakandro na isan-kariva. Fahatsiarovana olona iray izay nitsahatra indray andro tamin'ny fisiana ho olombelona, fa teraka kosa ho angano, angamba ny olomanga efa teraka sahady tao amin'ny firenena iray mitady olona mahery fo. Antsoin'ny hafa hoe ‘da Silva’ izay tsy kivy mihitsy, tahaka ny Breziliana maro. Ho tompondakanay izy mandrakizay.

Misaotra anao Ayrton Senna.

Namoaka lahatsarin'ny fotoana tsara indrindra tamin'ny nataon'i Ayrton Senna ny mpampiasa YouTube aheutohmaluko, ary nampiarahany tamin'ny hira izay nanakoako isaky ny alahady maraina tany Brezila. Mpampiasa hafa koa i 1958misterLotus1994 namoaka ny lahatsarin'ny Loka Lehibe Belza 1985 izay no tantarain'i Senna tenany tamin'ny teny anglisy. ny tenin'i Ayrton Senna di notsongaina tao amin'ny Wikiquotes. Ny sary kosa dia nalaina tao amin'ny vohikala Ayton-Senna.net sady efa azon'ny rehetra isintonana atontankevitra.

Naotin'ny mpanitsy: 3 Septambra 2010

Ny sary rehetra nalaina tamin'ity lahatsoratra ity dia nalaina avy amin'ny habaka efa tsy misy intsony. Toy izao ny momba azy ireo:

“Tsy fantatr'i Ayrton Senna na fikambanana nisy na misy na hisy fifandraisana amin'i Ayrton Senna. Mariho azafady fa ny sary na lahatsary na afisy rehetra misy an'i Ayrton Senna dia heverina fa ao anatin'ny valam-bahoaka. Raha misy ny mampiahiahy momba ny mety fisian'ny copyright amin'ny votoaty amin'ity tranonkala ity, miangavy mba handefa imailaka amiko dia ho aseriko avokoa ny votoaty manitsakitsaka lalàna rehetra.”

Matoky izahay fa napariaky ny birao mifandray amin'ny fanaovan-gazetin'ny ICN/Marlboro McLaren/Renault ireo sary ireo ho ampiasain'ny fampahalalam-baovao. Raha misy ny zavatra mety ifandirana momba ireo sary ireo dia miangavy hampiasa ny lasitra ifandraisana raha handefa mailaka ho ahy dia hanala ireo sary ireo aho.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.