Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Madagasikara: manahy ny hiverenan'ny korontana ny mponina taorian'ny fialan'ny filoham-pirenena

Ankehitriny dia ny anankiray izany (Rajoelina).

Tonga eo amin'ny fiafarany ny fifandrohitana fahefana teto Madagasikara hatramin'ny volana janoary no mankaty. Omaly alarobia mantsy, taorian'ny fanandramana nataon'ireo mpanara-dia an'i Andry Rajoelina hanala an-dRavalomanana eo amin'ny fitondrana, dia nandray ny fanapahana ny lapam-panjakana tao Ambohitsirohitra ny tafika, izay lasa niandany tamin'i Andry Rajoelina.

Ora vitsivitsy tato aoriana dia nametra-pialana ofisialy i Marc Ravalomanana ary namindra ny fahefana ho amin'ny miaramila ahitana jeneraly 4 natokisany hatramin'izay. Tsy nanaiky izany anefa Rajoelina ka nosamborin'ny miaramila izay efa mpanara-dia azy ireto jeneraly ireto, niaraka tamin'ny mpitandrina iray nanampy tamin'ny fanelanelanana. Nokapohina ity mpitandrina ity rehefa avy eo.

Asehon'ny sary mihetsika hoe ahoana ny fomba nampijalian'ireto miaramila ireto ireo jeneraly ireo ary mampahatsiahy antsika fa ahiana ny herisetra amin'ny firenena mizarazara.

Marobe ireo fety fankalazana ny fialan-dRavalomanana tamin'ny lalana maro tao Antananarivo.

Kanefa ny mpanara-dia an-dRavalomanana koa dia efa nanomana fihetsiketsehana io alarobia io hanoheran'izy ireo ity “fanonganam-panjakana” ity.

Malagasy soldiers in Antananarivo

Miaramila Malagasy ao Antananarivo

[Photo credit to Foko-Madagascar on Foko-Madagascar on Flickr]

Eo amin'ity kihon-dalana ity dia tsapa fa mizarazara sady mihenjana ny tady ny amin'izay mety avoakan'ny ampitso eo amin'ireo mpitoraka bilaogy Malagasy.

Ilay mpanao gazety sady mpitoraka bilaogy, Mialy Randriamampianina, no nilaza ny tahony tao amin'ny Voice of America:

Tsy fantatra izay tena marina satria hatramin'izao dia tsy manana vaovao mari-pototra isika momba ny fihetsiketsehana hatoan'ireo mpanara-dia an-dRavalomanana sy ny amin'izay mety hataony. Ary koa, mbola manahy ny hiverenan'ny korontana ataon'ny mpanara-dia an-dRavalomanana sy Andry Rajoelina izahay. Nisy fifandonana mantsy teo amin'ny 2 tonta mpifanandrina herinandro lasa izay. Noho izany dia miteraka olana foana ny fihetsiketsehana tahaka ireny ka manahy ny hisian'ny herisetra ao amin'ny firenena izahay.

Ilay mpitoraka bilaogy, Lomelle, no naneho ny fihetseham-pony tao amin'ny gazety Le Monde, na dia “faly” aza izy fa niala Ravalomanana (fr):

…on ne sait pas vraiment ce que veut faire l'opposition. Je crains le pire. Rajoelina n'a pas l'étoffe d'un président. Il est trop jeune et manque d'expérience. Je doute de sa capacité à mener le pays

Tsy fantatra mihitsy izay hataon'ny mpanohitra. Manahy zavatra ratsy aho. Tsy manana toetra maha-filoha mantsy i Andry Rajoelina. Mbola tanora loatra izy ary tsy ampy traikefa. Manahy ny fahaizamanaony amin'ny fitantanana ny firenena aho.

 Faly ny Madagate fa tsy milalao intsony Ravalomanana ary i Andry Rajoelina no filoha mitarika ny HAT (Fitondrana Avon'ny Tetezamita)(fr):

Marc Ravalomanana, le petit laitier d’Imerikasinina, a été renié par ceux à qui il venait de remettre les pleins pouvoirs. Ils n’ont pas voulu vendre leur âme au diable. Les carottes sont cuites pour ce président qui a montré son véritable visage. A force de jouer avec le feu et les idoles, on se brûle. Ce fut vraiment le combat de la lumière et des ténèbres.

Nolavin'ireo notolorany ny fahefana Ravalomanana, ilay mpivarotra ronono kely avy any Imerinkasinina. Tsy te hanolotra ny fanahiny ho an'ny devoly mantsy izy ireo. Izay ny amin'ny filoham-pirenena izay efa nanmpiseho ny tena endriny marina. Arakaraky ny filalaovany afo sy fanompoany sampy no nahamay azy. Tena adin'ny maizina sy ny mazava mihitsy izy ity.

Zavatra hafa mihitsy kosa ny an'i Jentilisa(mg):

Manahy dia manahy aho raha ny zavatra hita androany no ijerena ny ampitso fa dia tena faneriterena tsy misy toy izany no hihatra amin'ny tsirairay hanatanterahana ny sitrapon'ny mpitondra vaovaon'ny firenena izay lazaiko sahady fa tsy ekeko satria an-terisetra no nanaovany ny zavatra rehetra.

Mahita i Hery fa tsy ho ato ho ato ny fandriam-pahalemana aty Madagasikara na dia eo aza ny fiovana politika (mg):

Tsy resy lahatra aho amin'ny hilaminan'ny politika ao Madagasikara ao anatin'ny 2 taona farafahakeliny raha mandray fitondrana ny TGV [..] Hafa ny mitolona, ary hafa ny mitondra firenena.

Lova Rakotomalala

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.