Pakistan: Nisy baomba nipoaka sady nahafaty tany Peshawar

Peshawar, renivohitry ny faritany avaratra andrefan'ny sisintany any Pakistan no tratran'ny fipoahana baomba mahery vaika androany [zoma]. Nitoby teo akaikin'ny trano fivoriana ilay fiara izay miaty fitaovana mora mipoaka 30-40 KG. Tsy fanafihana famonoantena ity satria tsy nisy olona tao anatin'ny fiara. Araka ny tatitra farany nataon'ny Polisy dia voamarina fa 21 no isan'ny maty ary mihoatra ny 90 no naratra.

Nanoratra i Ayesha fa “Nandriaka ny ra tao Peshawar”:

How many more blasts and how many more deaths this historic city would see?

Koocha Risaldar, Kissa Khawni is the congested and populated area. The blast took place at such time when most people were out shopping as Eid is also round the corner. Although the blast occurred close to Imam Bargah but in my view that wasn’t the target.

Fipoahana baomba sy fahafatesana firy no mbola ho hita amin'ity tanàna ity?Faritra vory vahoaka sy teritery i Koocha Risaldar, Kissa Khawni. Nitranga nandritra ny fotoana ivoahan'ny olona olona miantsena ny fipoahana satria efa mitatao rahateo ny Eid. Na dia nanakaiky ny Imam Bargah aza ny fipoahana, araka ny fijeriko dia tsy izy no nokendrena.

Niharatsy ny toe-draharaha rehefa tapaka ny herinaratra tamin'iny faritra iny ary nisy afo nidedadeda noho ny fipoahana teo akaikin'ny fantsona mitondra entona fandrehitra. Tonga dia tratran'ny afo avokoa ny trano fitehirizan'entana sy ny fivarotana manodidina. Ny loharanom-baovao moa dia miahiahy fa valy bontana avy amin'ny fanafihan'ny mpampihorohoro tany Mumbai (Bombay) ity fametrahana baomba ity ary dia lasa indray ny tsatotsatoka mahazatra ny fampahalalam-baovao ary milaza ny haino aman-jery vaovao fa metyho ny sampam-pitsikilovana indiana RAW noao ambadik'ity raharaha ity. Ny minisitry ny NWFP (inona koa izao izany? sampam-itsikilovana Pakistaney?) koa manamarika fa mety ho vahiny no namolavola izao fanafihana izao.

Lahatsary manaja ampiasain'ny mpampiasa YouTube Kabirrind

Nalaindaina ihany ny mpamaham-bolongana Pakistaney hiresaka ny momba ity vaovao ity noho ny mahafaran'ny herinandro, ny Hajj (fivahiniana masina) ary ny fetinn'ny Eid ul Adha. Fa nisy kosa ny nazoto nampita ny vaovao tamin'ny alalan'ny Twitter. Ho amin'ny vaovao farany momba ity voina ity dia azonao arahina ao amin'ny Twitter eto izany na amin'ny Twitter-ko manokana eto. Azonao jerena ihany koa ny fantim-baovaon'ny haino aman-jery ato amin'ny bolongako Guppu.com.

2 hevitra

  • ylan

    eny tompoko, misaotra anareo nanome ny vaovao mikasika ny fiainam-pirenena manerana izao tontolo izao. tena tsy mety milamina ihany izy ity kanefa na dia miezaka aza ny ampahany amin’ny vondrona iraisam-pirenena dia maha-kely finoana ny hampisy filaminana sy fandriam-pahalemana eto ambonin’ny tany. Ny hafatro dia izao hoe; mba andefaso vaovao ihany ny tenako rehefa misy ny vaovao manaraka mba handinihana izao fandehan’ny fiainana izao.
    Mr Ylan

  • Aza manahy ianao fa ezaka ataonay mihitsy ny manome vaovao ny rehetra. Raha mahay teny anglisy moa ianao dia avy any amin’ny global voices online avokoa ny lahatsoratra nadikanay. Raha tsy izany dia afaka manaraka azy eto ihany ianao.

Hiresaka koa

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.