- Global Voices teny Malagasy - https://mg.globalvoices.org -

Mumbai: May ny Taj Hotel

Sokajy: India, Ady & Fifandirana, Lalàna, Saripika

Misy ny maneho ny sary nopihany amin'ny flickr sy any amin'ny toeran-kafa ankoatra izay asehon'ny fampahalalam-baovao mahazatra. Sary maro dia maro ohatra no asehon'i Arun Shanbhag [1] amintsika ka hatramin'ny ra mandriaka, ny diantsaoka [fanaon'ny polisy amaritana ny paozin'ny olona niharandoza na tavela] ka hatramin'ny fahamaizan'ny Taj Hotel. Azonao jerena ato ny ao amin'ny flickr [2].

Ity indray ny sarin'ny Taj hotel tanatin'ny [3] afo nalain'i Soumit Kar. Sarin'ny trano fandraisam-bahiny teo ihany nalain'i Mayank Austen Soofi [4] tamin'izy may ny alina. Ashesh Shah [5] kosa naka ny sarin'ny nanorenana ireo tohatra fianihana sy fibatana enta-mavesatra hanatanterahana ny asam-pamonjena voina.

Toerana malaza ahafantarana an'i Mumbai ny Taj Mahal Hotel [6] . Sary aseho mandrakariva ho toy ny fivantanana aorian'ny  varavaram-be fidirana any India, toerana manantantara fivantanan'ny olona malaza manerantany ny efitrano ao. Ny tena nanohina ny mpamaham-bolongana moa dia mbola eo ampirehetana ilay toerana, ary efa ravan'ny afo ny efitra ambony.