Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Arabia Saodita:Ny fisaraham-panambadiana, teny tsy misy dikany ve?

“Dia ho lasa teny maivana (tsy misy dikany) ve ny fisaraham-panambadiana?” hoy ny fanontanian’i 3abira Sabbel, vehivavy saodianina mpitoraka blaogy [amin’ny teny arabo], ao anatin’ny hafatra iray mandalina ny fahasamihafàn’ny vehivavy ankehitriny sy ny reniben’izy ireny, ary ny antony mahatonga ny tanora lahy sy vavy hieritreritra fa zava-mora ny manafoana ny fikambanany.
Nasiany tsindrim-peo ao anatin’ny hafany, amin’ny alalàn’ny famaritana ny vaninandron’ireo renibentsika “tsy nahay namaky teny sy nanoratra” “nifehy ny akany” :

فـ السابق كانت الفتاة تخرج من بيت والدها إلى بيت زوجها ،،
ومن بيت زوجها إلى المقبرة (كما كان يقال فـ ذاك الزمن) ،،
كما أن الفتاة كانت تتحمل أعباء المنزل وأفراده سواء بيت والدها أو بيت زوجها ،، دون تذمر أو تأفف،،
وكانت تتحمل غياب الزوج عند ذهابه للبحث عن الطعام ، فـ تكون هي الأم و الأب لصغارها ، وتكون أما أو أختا أو زوجة لرجال أشداء ، يعتمدون عليها فـ جميع أمورهم ،،
وكانت تبني بيتها مع زوجها ، وتساعده فـ تسيير الأمور الحياتية رغم أميتها وعدم تعلمها !!

Fahiny, nandao ny tranon-drainy ny zazavavy iray mba handeha hiara-honina amin’ny vadiny, ary ny tranon’ny vadiny ho any amin’ny fasany (araka izay nilazàn’izy ireo azy tany aloha tany). Ny vehivavy no nandray ho andraikitra ny fikarakaràna manontolo ny tokantrano sy ireo izay nonina tao, na izany tao an-tranon-drainy na ny an’ny vadiny, izany rehetra izany, tsy asiana taraina. Mizaka ny tsy  maha-eo ny vadiny rehefa lasa miasa izy, sady reny izy no ray ho an’ireo zanany ; ary tsy maintsy mijoro ho vehivavy matanjaka, amin’ny maha-reny, anabavy, ary vady azy ho an’ireo lehilahy izay miankina aminy. Nanàngana ny tranony, niaraka tamin’ny vadiny, ary nanampy azy tamin’ny fiainana andavanandro, na dia teo aza ny tsy fahaizany mamaky teny sy manoratra ary ny tsy fahampian’ny fahalalàna.

Toa lavitra an’ireo tovovavy ankehitriny izany famaritana izany, izay ilazàn’i 3abira fa tsy dia raharahain’izy ireo loatra ny hametàhana ny hoe “nisara-banambadiana” eo alohan’ny anaran‘izy ireo – misaotra ny fitsabahan’ireo ‘”vahiny” :

لذا كانت كلمة (الطلاق) من أكبر المعيبات عند نساء الزمن الماضي ، كما أنهن يفضلن الموت على أن توصف إحداهن بكلمة (مطلقة)!!؟؟
حتى جاء هذا الزمن ، الذي قام فيه مجموعة الأجانب بالتدخل ف أمور حياتنا نحن العرب ، وزرع المطالبة بحقوق المرأة ،،
ولا أعرف سببا لذلك ؟؟!!
هل لأننا لا نعرف تسيير حياتنا ؟!
أم لأن الإسلام قد أنقص من قدر النساء، حتى تأتي أفواج (البابا والكاثوليك وغيرهم) ليرفعوا من قدرهن ؟!
ثم كيف نسمح لهم بالتدخل فـ حياتنا والمطالبة بالمساواة ، وهم فـ أرضهم تشتكي بل تذبح النساء بسكاكينهم ؟!

Ny teny hoe “nisara-panambadiana”, fahiny, dia iray amin’ireo ompa goavana fifamelezan’ny samy vehivavy. Naleon’izy ireny maty toy izay antsoina hoe nisara-panambadiana. Niainàna izany mandrapahatongan’ny taonjato maoderina, izay nisian’ny vondrona vahiny vitsivitsy nitsabaka tamin’ny fiainanay arabo, ka namokivoky ny fitakianay ny zon’ny vehivavy, ary tena tsy takatro velively izay antony nahatonga izany??!! Tsy haintsika ve ny mitondra ny fiainantsika??! Sa ho an’ny Papa sy ny Katolika dia manao tsinontsinona loatra ny vehivavy ny Finoana Silamo raha mitàha amin’ny hafa ka nandraisana fepetra goavana? Ahoana no hamelàntsika ny hijabajabahan-dry zareo amin’ny fiainantsika sy hitaky fitoviana, raha ny vehivavy any amin’ny taniny aza mbola mikaikaika sy matim-bono voatsatoky ny antsiny ihany?

Ny vokany dia :

لقد جاء هذا الزمن الذي لا تكترث الفتاة أو المرأة لكونها مطلقة ، بل المصيبة أنها تطالب بالطلاق عند أتفه الأمور ؟!
أصبحت كلمة الطلاق سهلة عند الكثيرات والأسباب واهية ؟!

Ankehitriny isika dia miaina amin’ny vaninandro izay tsy mampihetsi-bolomaso velively ny vehivavy raha hatao hoe nisara-panambadiana izany, fa ny tena loza dia mangataka fisarahana noho ny antony tsy dia misy dikany ry zareo! Ny hoe misara-panambadiana dia lasa tena tsy misy dikany ho an’ny sasany, eny fa na dia noho ny antony foromporonin’ny saina fotsiny aza.

Ny mpitoraka blaogy 3abira dia manolotra ny lisitr’ireo antom-pisaraham-banambadiana, araka izay ilazàn’ireo vehivavy azy, izay hitany fa mampihomehy sy mahamenatra :

1. زوجها تزوج عليها ، تطلب الطلاق (رغم إباحة الدين له بذلك)،، أعلم أن الكثيرات يعاتبنني على تأييد تعدد الزوجات ، وقد سبق وقلت أنني فتاة مثلكن ولي مشاعر سوف تجرح عند حصول هذا الأمر لي ، لكن أحمد الله على نعمة العقل الذي يوجد عندي، فلا أمنع ما حلله الله 🙂
2. لم تستطع تحمل تصرفات زوجها، فـ تطلب الطلاق، دون محاولة منها الجلوس معه ومناقشة الأمر ، والحجة أنه هو من يجب أن ينتبه لتصرفاته التي تزعجها؟!
3. الزوج ليس رومانسي؟! ولا يعرف كلمات الحب والغزل 🙁
والكثير من الأسباب التي تجعلني أشتاط غضبا عند سماعها ،والغريب تمسك الأنثى بالطلاق ، وعدم الإهتمام بالأشخاص المصلحين والمرشدين الأسريين ؟!

1. Nanambady indray ny vadiny ka dia mangataka fisaraham-panambadiana izy, nefa ny fivavahantsika aza dia mamela malàlaka ny fanànana vady maro. Fantatro fa maro aminareo no hanatsiny ahy amin’ny fanohànako ny fanànana vady maro, ary efa nomarihako fa tovovavy toa anareo ihany koa aho, manana fihetseham-po tsy maintsy ho tohina sy torotoro raha avy izay hahatongavan’izany amiko. Saingy isaorako Andriamanitra nanome ahy saina amam-panahy tsy hizotra amin’izay efa nameperany rahateo.
2. Tsy zakany ny fihetsika avy amin’ny vadiny ary dia mangataka fisaraham-panambadiana izy nefa tsy mbola nanàndrana niresaka izany tamim-badiny akory. Ny fialantsininy dia ny hoe tokony ho nitandrina ny fomba amam-pihetsiny ralehilahy ary tsy nanao zavatra manorisory an-dravehivavy.
3. Tsy fiainana nofinofy tonga lafatra ny fanambadiana!? Tsy mahalala izy na dia tenim-pitiavana na fambaboana iray monja aza 🙁 Na fialàna bàla hafa mahalasa adala ahy. Ny tena manahirana dia mifikitra mafy amin’ny fisaraham-panambadiana ny vehivavy, na inona na inona lazain’ireo olona tsara sitra-po sy manome toro-hevitra tsara ho azy ireo.

Miaiky ny mpitoraka blaogy fa mànana andraikitra koa ao anatin’izany fiakàran’ny fisaraham-panambadiana izany ny lehilahy. Hoy izy manamarika :

وأنا هنا لا أريد إلقاء اللوم فقط على المرأة ، فـ الرجل فـ هذا الزمان أصبح متساو مع المرأة فـ قلة التدبير والحكمة (لا تزعلون علينا ، طبعا ما أقصد الكل)،،
فقد سمعت الكثير وحضرت الكثير من قصص الطلاق لأسباب كانت تافة والله ،،

Tsy te-handiso be fotsiny amin’izao ny vehivavy aho.Ny lehilahy, amin’izao andro iainantsika izao, dia mitovy lenta amin’ny vehivavy, ary izy ireo koa dia tokony homena tombom-pahendrena sy fahafàhana mitantana ny fiainany. Naheno aho, ary vavolombelon’ny raharaham-pisaraham-banambadiana maro avy amin’ny fangatàhana tsy mitombina.

Raha momba ny olana aroson’ny lehilahy ho antom-pisarahana indray, dia ireto no voaangony :

1. ما تعرف كيف تحترمني ، دون محاولة منه إصلاح الأمر ، أو إخبارها بالأمور التي يحبها أو لا يحبها ؟!
2. زواجي كان تقليدي ، وما أشوف إن الزواج ناجح؟!
3. إلقاء الكلمة عند الغضب فقط ليثبت أنه رجل ؟!

1. Tsy mahay manàja ahy izy – ary tsy manao izay hampivoarana ny toe-draharaha anefa ralehilahy na tsy miresaka aminy (amin-dravehivavy) izay tiany sy tsy zàkany.
2. Fanambadiana ara-pomban-dràzana ny ahy ary tsinjoko ho tsy mahomby!
3. Nataoko izao [fisaraham-panambadiana] satria tezitra aho – satria nahoana? Mba hanaporofoana fa lehilahy izy.

Ho famarànana, manoro hevitra i 3abira ho an’ireo izay mamaky azy mba hijanona mandrakariva akaikin’ireo soatoavina taloha ka tsy hamela ny fomba maoderina sy ny fironany hamotika ny fiainam-pianakaviany. Hoy izy :

سبحان الله على ما آل عليه حالنا ،، لو أننا أخذنا وتمسكنا بعاداتنا وتقاليدنا الماضية لما وصلنا لهذا الأمر ،،
لكن السبب فينا نحن الأفراد الذين نطالب بالتطور ولا نعرف ما معنى التطور من الأصل ؟!

Raha nisisika mafy nifikitra tamin’ny fomban-drazantsika sy ny maha isika antsika isika, tsy ho tonga amin’izao toe-javatra misy antsika ankehitriny izao. Ny anton’ny nahatonga antsika amin’izao dia ny fitakiantsika fivoarana nefa tsy haintsika akory hoe fivoarana manao ahoana.

Araka ny loharanom-baovao iray [amin’ny teny anglisy], dia manodidina ny 62%-n’ny fanambadiana no miafara amin’ny fisaraham-panambadiana any Arabia Saodita. Loharano iray hafa [amin’ny teny anglisy] kosa no milaza fa 38% ny fisaraham-panambadiana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.