Paragoay: ireo mpilatsaka ho fidìna izay mampiasa ny blaogy hahazoana mpifidy

Sary nalain'i Muna Annahas

Amin'ny 20 aprily ho avy izao no hifidy izay ho filoham-pireneny ny Paragoay. Betsaka amin'ireo mpilatsaka ho fidiana manan-danja no mampiasa ny blaogy ho fomba ifandraisana amin'ireo mpifidy, satria ao no ilazàny ny fomba fijeriny ny lafin-javatra iray manokana, ary ao koa no anazavàny ny drafitry ny governemanta izay hajorony raha lany izy ireo. Ireo blaogy ireo moa dia avoakan'ny gazety “Diario ABC“, izay isan'ny gazety lehibe indrindra ao Paraguay.

Ho an'ny mpilatsaka ho fidìna sasany dia mahatratra 43000 ny mpitsidika ny blaoginy, ary 500 ny hafatra ao amin'ny lahatsoratra iray, izany moa dia maneho tsara fa manan-danja be ity fifidianana iray ity. Vitsy ireo izay nanampò izao fifandraisan'ny mpilatsaka ho fidìna ho filoham-pirenena izao sy ireo mpifidy ; ity farany moa dia afaka milaza tsara ny heviny, ny ahiahiny, ady hevitra iray, eny afaka manadihady tsara koa aza.

Isan'ny mpilatsaka ho fidìna roa izay manana ny blaoginy manokana ireto manaraka ireto :

Fernando Lugo, izay eveka katôlika romana, sady filoha amperin'asa ao amin'ny Antoko demokratika kristianina. Fariparìtany ao ny dingana nataony mba ahafahany mirotsaka amin'ity andraikitra lehibe indrindra ao Paragoay ity [es].

Después de 30 años de disciplinado sacerdocio he renunciado a mis condiciones formales de obispo sin dejar de ser cristiano y paraguayo para dedicarme a la política, trabajar por un proyecto y buscar convertirme en Presidente de la República del Paraguay para servir a mis queridos sufridos hermanos de este hermoso y bendito país.

Rehefa avy nanao asa fanompoana nandritra ny 30 taona aho, dia nametra-pialàna amin'ny andraikitra maha-eveka ahy, na dia mbola nijanona ho kristianina sy paragoay hatrany aza. Izany dia mba ahafahako manolo-tena ho amin'ny pôlitika, ny mba ahafahako manao vinavinan'asa, ary ny hahafahako hitondra an'i Paragoay sy hanompo an'ireo rahalahiko malala izay mijaly eto amin'ity tanindrazana malala sy masina ity.

Blanca Ovelar kosa dia mpilatsaka ho fidìna avy amin'ny antoko eo amin'ny fitondrana ankehitriny, ny Antoko Colorado. Izy dia tohanan'ny filoham-pirenena paragoay ankehitriny, Nicanor Duarte. Iray amin'ny resaka lehibe fanaony ny ady amin'ny kolikoly, ary hoy ny anao vavy [es] :

Quien niegue que hay corrupción en el Paraguay, estaría cerrando los ojos a la realidad. La corrupción existe, y ha logrado instalarse en todos los sectores de la sociedad. Tanto en el sector público como en el sector privado; en el partido de gobierno como en los de oposición; en las empresas como en los sindicatos.

Na iza na iza mandà fa tsy misy kolkikoly eto Paragoay dia minì-mikipy amin'ny zava-misy. Misy tokoa izy io, ary efa manenika ny sampana rehetra amin'ny fiaraha-monina : tsy ao amin'ny fanjakana ihany, fa any amin'ny tsy miankina koa, ao amin'ny antokon'ireo mpitondra, sy ny an'ireo mpanohitra, any amin'ny varotra, sy ny fivondronan'ny mpiasa rehetra.

Ny nahatonga ireo blaogy ireo moa dia mety ho avy amin'ny fahatongavan'ny aterineto ho azo ampiasan'ny olona rehetra. Betsaka ireo siberkafe niforona manodidina ireo tanàna kely ao an-drenivohitr'i Asuncion, ary mihabetsaka koa ireo sampana misahana ny aterineto tsy ilàna taro-by (wireless providers) sy ireo mandefa bandy mora takarina (broadband providers) raha oharina ny tamin'ny taona vitsivitsy lasa izay. Ataon'ny ankamaroan'ny olona ho toy ny entam-barotra ny aterineto , fa tsy filiron-javatra akory ; izany dia mahatonga ny olona maro ho afaka mampiasa azy bebe kokoa. Tamin'ny fifidianana izay ho filoham-pirenena tamin'ny 2003 moa dia mbola tsy azo noeritreretina akory izao fifandraisana ara-virtoaly eo amin'ny mpiblaogy (mpilatsaka ho fidìna) sy ireo mpamaky (mpifidy) izao ; ary mahatalanjona tokoa ny mahatsikaritra ireo fiovàn-javatra nandritra izay dimy taona farany izay.

3 hevitra

Hiresaka koa

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.