Oganda : Bilaogera nikopak’elatra noho ny tahotra
Efa nosoratana teto amin’ny Global Voices ny hevitra feno fihantsiana nataon’ny bilaogera sy mpanolotra fandaharana amin’ny onjam-peo Ogandey Dennis Matanda momba ny kolontsaina afrikana, ny (filoha) Idi Amin ary ny momba ny fiverenana hisian'ny fanjanahantany indray izay efa nosoratana teto amin’ny Global Voices. Dia mbola niteraka resabe ihany ny fanaony tamin’ny volana lasa raha nitoraka bilaogy hoe « ahoana ny fomba atao hahafaty ? ». Niteraka savorovoro, fandrahonana ary fandrobana ny fandaharana naka hevitra tamin’io lahatsoratra io ka nahatery an’Atoa Dennis Matanda hitsoaka an’i Onganda. Nampisara-tsaina ny tontolon’ny bilaogy Ogandey io fanapaha-kevitra io, nisy ireo nanohana, nisy ny nananihany ary nisy ireo nihifikifi-doha.
Raha nanoratra ny tontolom-piainany i Tumwujike dia nitantara tamin’ny mpamaky azy hoe, « raha te-hamaky tantara mampalahelo tena nitranga ianao dia hahaliana anao ny bilaogin’i Dennis Matanda ». Nanoratra ho an’i Dennis ihany koa i Tandra nandritra ny Ora mahafinaritry ny bilaogera Ogandey tamin’ny volana septambra hoe « Indrisy moa fa tsy afa-nihaona isika noho ireo tsy ampy fahalalana lasa adala ka nanatery anao hiafinafina. » saingy niakatrakatra noho ny rehetra kosa izay nosoratan’i Degstar :
We had this discussion eons ago — in your old car, the one that had a toy Beretta in the glove compartment? — where I pointed out that for your being less than reserved about your feelings on things of national import, you could, should, expect to pay a price. And you, in that — some would say arrogant — devil-may-care way of yours said, “f— that. I mean really!!” me, I just said “kale.” Indeed you went on to say exactly what you wanted when and where you wanted. Then as it turns out — if I’m getting this right — your views on other people’s sexual preferences were what finally broke the camel’s back and resulted in the late night visit to your house.
Chief, what did you expect? A formal protest note delivered to your lawyer? A picket of your Nakasero hill office? A boycott of your radio talk show? Public burning of your newspaper articles? Or perhaps an invite to the Media Centre to share your divergent views in a bid to “reach a consensus and chart a common way forward?” dude please, I think not.
Efa niady hevitra mihitsy isika fotoana ela izay – tao anatin’ny fiaranao kadraoka nisy kilalao Beratta iny tao anatin’ny fitoerana fonontanana (vatasarihana eo anoloan’izay mipetraka eo anilan’ny saofera) iny ? Tamin’izay aho no efa nampitandrina fa hanody anao io tsy fiheverana loatra ny vokatr’izay eritreritra sy fihetseham-po ataonao manohina ny maro nefa zava-dehibe loatra eo amin’ny sehatry ny firenena. Dia novalianao tamim-pianjonanjonana, hoy ny sasany, moa hoe tsy raharahako izany. Gina tsy nahateny afa-tsy « Kay le » aho tamin’izay. Dia notohizanao ihany izay tianao atao sady tsy nifidy toerana no tsy nifidy fotoana. Ary raha ny fahazoako azy dia ny hevitrao momba ny safidim-pitiavan’ny olona hafa no singam-bolo nandavo ny vositra ka namangian’ny sasany andro alina ny tranonao.Fa inona moa no nandrasanao sefo ô ? Taratasim-panoherana nalefa tany amin’ny mpisolovava anao ? Fitokonana teo anoloan’ny biraonao ao antendrombohitry Nakasero ? Tsy fihainoana intsony ny fandaharanao ao amin’ny onjam-peo ? Fandoroana ny lahatsoratrao an-gazety ? Sa fanasana anao hamelabelaranao ny hevitrao mba hahatongavana amin’ny marimaritra iraisana ka hametrahana ny lalan-kizorana manaraka ? Tsy mino izany aho rahalahy.
Efa mipetraka any Etazonia moa i Dennis ankehitriny ary eo ampiketrehana ny tantara foronina iray mitondra ny lohateny hoe : Master of the Sagging Cheeks (Ilay Kalaza amin’ny takolaka miroraka), izay heveriny hitondra fiovam-pijerin’izao tontolo izao miatrika ny mpitondra afrikana. Nanaiky hitondra ny tantarany eto amin’ny Global Voices izy :
F : Azonao hazavaina ve ny toe-draharaha nanosika anao hiala an’i Oganda ?
V : Zavatra telo no nanosika ahy hiala an’i Oganda. Voalohany dia mahazo antso avy amin’olo-tsy fantatra matetika aho momba ny fandaharana ataoko amin’ny onjam-peo isan-kerinandro. Nihaloza ny antso taorian’ny fandaharana momba ny homosexualité [tsy fantatro na mety eto ny teny hoe toetra mahapelaka eto na tsia] tamin’ny 24 aogositra teo. Tsy nitovy tamin’ny pasitera sy ny mpiaramiasa ny hevitro amin’io lohahevitra io. Niteny aho tamin’izay fa tsy tafiditra mora foana tany amin’ny tany Tandrefana ny homosexualité ary noho izany dia tsy mananjo isika hiteny fa naondrana tany Oganda ny homosexualité. Vao niverina avy naka rivotra tany Etazonia sy Angletera moa aho tamin’izay ka nandray antso aho ny alin’iny nanao hoe raha mbola te-hahita masoandro ianao dia miverena any amin’izay nihavianao.
Faharoa, tsy fantatro loatra hoe iza ireo olona miantsoantso lava ireo sady tsy fantatro rahateo na irahin’ny fanjakana izy ireo na tsia. Niresaka ny tranga momba ny fanorisorenana aho tamin’ny mpiara-miasa mba ahafahako mahalala vaovao misimisy kokoa izay mety ho ao ambadiky ny fampitahorana ahy ity saingy tsy voatery hilaza amin-dry zareo ny fisian’ireo antso maromaro ireo. Ny azoko notovozina moa dia hoe maro loatra ireo olona mifaninana mba hahazo sitraka amin’ny filoham-pirenena sy hahazo sombim-pahefana ka tsy fantatra intsony hoe iza amin’ireo no maniraka ny mpiantso amin’ny finday.
Hany ka tsy fantatro raha afa-mitady fiarovana any amin’ny polisy, izay efa nataoko mandrakariva, aho nefa efa fantatra fa tsy miraharaha izay miteny olona manohitra ny governemanta ry zareo.
F : Malaza ho mpanao fihantsiana ianao – Niteraka adi-hevitra mafana ny lahatsoratrao mikasika ny fanjanahantany sy ny mpitondra Afrikana. Inona ny eritreretinao ho teny nataonao ampahibemaso niteraka fanoherana indrindra ?
V : Mino aho fa ny antso hiverenan’ny fanjanahantany no tsy nankasitrahana indrindra. Mahatadidy koa aho fa efa nisy taratasy azoko avy amin’ny Olobe iray ato amin’ny governemanta niangavy ahy hanajanona ny lahatsoratro sasany satria misahana lohahevitra saropady mikasika ny fomba fitarihana sy ny filoha Museveni. Nanoratra izy fa na marina sy manandanja aza izay lazaiko dia tsy raharahan’izay mitondra ny firenena izany fa potehiny avokoa izay manakatsakana ny lalany. Rehefa nandositra ny tanandehibe aho dia niantso azy ary novaliany fa noho ireny lahatsoratro ireny no nikendrena ahy, indrindra moa fa niely nanerana an’i Afrika sy tany ivelany aza ny adi-hevitra.
F : Mino ve ianao fa misy ifandraisany amin’ny fanoratanao bilaogy na amin’ny hevitra mivoaka amin’ny onjam-peo ny fanafihana ny fonenanao ?
V : Tena tsy haiko izay holazaina. Tsy fantatro manko hoe iza nymanjohy ahy – ary izay no tena mampatahotra.
F : Ahoana no hamalianao ny fiampangan’i Degstar fa « nandositra » ianao ?
V : Ka mazava ilay fiampangan’i Degstar koa. Nandositra toe-javatra tokony hifanandrinako aho ka nijoro ho lehilahy. Mino aho fa diso fanantenana tanteraka izy rehefa nandositra aho nefa efa nahita ahy nifanazava tamina Olobe izy tamin’izaho nitantana ny vondronaTERP [Orinasa Ogandey misahana ny fifandraisana], izay an’ny vinanton’ny filoham-pirenena. Ny tsy fantany dia tiako ho hita na farafaharatsiny fantatra izay fahavalo atrehina. Nandositra aho satria tsy fantatro mihitsy izay miandry kendritohina ahy. Mety ho lasa aloha loatra aho saingy aleoko manavo-tena toy izay manenina rehefa avy eo.
F : Ahoana ny hevitrao mikasika ny haino aman-jeryOgandey fahita mahazatra ?Mino ve ianao fa afaka ny fampahalalam-baovao ao Oganda ?
V : Amin’izao fotoana izao aloha dia mbola tsy voakitikitika ny fampahalalam-baovao…hatramin’ny fivorian’ny lehiben’ny governemanta mpikambana amin’ny Commonwealth amin’ny Novambra farafahakeliny. Fa misy lesoka manomboka mipoitra ihany : Ny fandefasan’onjam-peo any amin’ny faritra Toro any andrefan’i Oganda izao dia misy manorisory amin-javatra be dia be.
Ny singa faharoa mahatonga ny fampahalalam-baovao manana filaminana dia tsy misy sampan-draharaha iray afaka mifehy ny fipariahana haingana dia haingan’ny haino aman-jery azo maimai-poana. Ny Ivotoeran’ny haino aman-jery tokony hisahana izany moa efa tsy itokisana ary efa fantatra tamin’ny fanapahan-kevitra nisy kiantranoantrano kosa Vaomieran’ny Fandefasan’onjam-peo Ogandey (ao anatin’izany ny nandroahana an’i Gaetano ao amin’ny Capital Radio noho ny fanehoan-kevitra mikasika ny pelaka izay tsy izy akory no nilaza azy ; ary eo ihany koa moa ny nandroahana an'i Blake Lambert raha ny an’ny ivotoeran’ny haino aman-jery no resahina).
Ary ny tena mampilamina indrindra dia rehefa tsy mahita sombim-baovao ny Filoha dia misy ny vintana tsy hahazoan’ny haino aman-jery famaizana. Manampy izany ihany koa dia tsy mankasitraka ny ataon’ny filoham-pirenena loatra ny ankamaroan’ny vondrom-pampahalalam-baovao. Dimy volana lasa teo ho eo izay dia nampiantso ny tompon-gazety sy ny mpitantana ambony amin’ireny haino aman-jery ireny ny filoha, ary rehefa nampiandrasana 7 ora mahery be izao ny olona dia izy indray no mbola be maoraly amin’ny fanaovana ny asam-pampahalalam-baovao. Tsy nifankahazo moa ny resaka hany ka raha mpiaramiasa no notadiavin’ny filoha dia mpioko no noforoniny.
Ny governemanta koa moa, tahaka ny lehibeny koa, nanimbazimba loatra ny vondrom-pampahalalam-baovao ka tsy voatery hanohana ny governemanta raha misafidy. Eo no eritreretiko hoe malalaka ny fampahalalam-baovao ao Oganda. Omena zavatra be dia be tsiriritin’ny firenen-kafa maro ry zareo. Fa, ary ity no mampanahy indrindra, efa mihamiova izany izao ka ho avy ny fiantraikany goavana sy ho henjana dia henjana.
F : Inona moa ny heverinao fa anjara asan’ny blaogy amin’io toe-draharaha io?
V : Nandritra ny fifidianana ho filoham-pirenena tamin’ny 2006 dia natao ho fakan-tahaka ny kamarady faha-27 (27th Comrade) sy Ernest Bazanye. Nisalotra ny anjara asany vaovao izy ireo ary lasa mpitari-kevitra vaovao. Niitatra lavitra ny ambaindain’ny mpamaky blaogy noho ny hatsikana, ny esoesonteny, ny fanehoan-kevitra masiaka tahaka ny an’Ivan. Lasa toy ny safira [taratasy sarobidy] na toy ny rongony tsy ara-dalàna nefa tadiavina fatratra ireny ny blaogy amin’izao fotoana izao.
Q : Mieritreritra ny hiverina any Oganda ve ianao ?
V : Mazava loatra. Mbola manana ny eriteritra ny ho filohan’i Oganda aho ! Fa alohan’izany aloha dia mbola hamita boky tantara foronina roa aho, mbola haka doctorat, Mbola hanangana ivotoerana hiantsoroka fahasalamana sy fanabeazana haseho amin’ny tantsaha Ogandey, ary hanangana lobby [na herimpanohanana miafina matanjaka] any Washington. Efa eto moa aho ka farafaharatsiny vitako aloha ny Master of the Sagging Cheeks (Ilay Kalaza amin’ny takolaka miroraka). Mbola misy toko 15 vitaina, noho izany dia hanoratra hatrany aho mandritra ny enimbolana ho avy.
Dennis, misaotra anao amin’ny tafatafa nomenao.
Sokajy

Tantaran'ny Afrika Mainty farany
Hiresaka koa
Sokajy
Tantara Malaza Indrindra Manerantany
Mpiserasera Facebook?
Araho Twitter
Hevitra farany
Fantaro i Andriamifidisoa Ny Haja Zo, hitantana ny kaonty Twitter...
Faly be aho fa misy olona tia ny teny Malagasy toa ahy. Mirehareha aho amin'ny...
Raha ny fahalalako azy, toa fanerena avy amin'ny Banky Foiben'ny Madagasikara io sora-bola tsy maintsy...
Miarahaba an'i Naritsimba, ary izaho koa rehefa mieritreritra hoe banky dia ireo bankin'ny vazaha foana...
Taorian'ny Nilazan'Ilay Ministra Indiana Hoe 'Indraindray Tsara Ny Fanolanana', Mijoro...
LALANA IZANY
Hong Kong: 'Raha Afaka Mampirafy Ny Lehilahy? Nahoana Kosa Ny...
ny fampirafesana dia fomba mamohehatra hitovizan'ny olona sy ny biby ary ny lehilahy no mpanao...
Tahiry isambolana
- Marsa 2021 9 Lahatsoratra
- Febroary 2021 50 Lahatsoratra
- Janoary 2021 49 Lahatsoratra
- Desambra 2020 45 Lahatsoratra
- Novambra 2020 35 Lahatsoratra
- Oktobra 2020 42 Lahatsoratra
- Septambra 2020 46 Lahatsoratra
- Aogositra 2020 49 Lahatsoratra
- Jolay 2020 51 Lahatsoratra
- Jona 2020 59 Lahatsoratra
- Mey 2020 41 Lahatsoratra
- Avrily 2020 61 Lahatsoratra
- Marsa 2020 40 Lahatsoratra
- Febroary 2020 50 Lahatsoratra
- Janoary 2020 53 Lahatsoratra
- Desambra 2019 109 Lahatsoratra
- Novambra 2019 91 Lahatsoratra
- Oktobra 2019 103 Lahatsoratra
- Septambra 2019 94 Lahatsoratra
- Aogositra 2019 89 Lahatsoratra
- Jolay 2019 166 Lahatsoratra
- Jona 2019 234 Lahatsoratra
- Mey 2019 190 Lahatsoratra
- Avrily 2019 202 Lahatsoratra
- Marsa 2019 159 Lahatsoratra
- Febroary 2019 174 Lahatsoratra
- Janoary 2019 291 Lahatsoratra
- Desambra 2018 204 Lahatsoratra
- Novambra 2018 316 Lahatsoratra
- Oktobra 2018 307 Lahatsoratra
- Septambra 2018 172 Lahatsoratra
- Aogositra 2018 200 Lahatsoratra
- Jolay 2018 248 Lahatsoratra
- Jona 2018 216 Lahatsoratra
- Mey 2018 207 Lahatsoratra
- Avrily 2018 230 Lahatsoratra
- Marsa 2018 165 Lahatsoratra
- Febroary 2018 143 Lahatsoratra
- Janoary 2018 186 Lahatsoratra
- Desambra 2017 177 Lahatsoratra
- Novambra 2017 148 Lahatsoratra
- Oktobra 2017 224 Lahatsoratra
- Septambra 2017 165 Lahatsoratra
- Aogositra 2017 228 Lahatsoratra
- Jolay 2017 180 Lahatsoratra
- Jona 2017 227 Lahatsoratra
- Mey 2017 227 Lahatsoratra
- Avrily 2017 152 Lahatsoratra
- Marsa 2017 134 Lahatsoratra
- Febroary 2017 129 Lahatsoratra
- Janoary 2017 112 Lahatsoratra
- Desambra 2016 103 Lahatsoratra
- Novambra 2016 136 Lahatsoratra
- Oktobra 2016 158 Lahatsoratra
- Septambra 2016 142 Lahatsoratra
- Aogositra 2016 142 Lahatsoratra
- Jolay 2016 129 Lahatsoratra
- Jona 2016 132 Lahatsoratra
- Mey 2016 152 Lahatsoratra
- Avrily 2016 126 Lahatsoratra
- Marsa 2016 115 Lahatsoratra
- Febroary 2016 114 Lahatsoratra
- Janoary 2016 125 Lahatsoratra
- Desambra 2015 86 Lahatsoratra
- Novambra 2015 128 Lahatsoratra
- Oktobra 2015 131 Lahatsoratra
- Septambra 2015 129 Lahatsoratra
- Aogositra 2015 142 Lahatsoratra
- Jolay 2015 109 Lahatsoratra
- Jona 2015 108 Lahatsoratra
- Mey 2015 107 Lahatsoratra
- Avrily 2015 115 Lahatsoratra
- Marsa 2015 110 Lahatsoratra
- Febroary 2015 106 Lahatsoratra
- Janoary 2015 47 Lahatsoratra
- Desambra 2014 99 Lahatsoratra
- Novambra 2014 81 Lahatsoratra
- Oktobra 2014 100 Lahatsoratra
- Septambra 2014 102 Lahatsoratra
- Aogositra 2014 95 Lahatsoratra
- Jolay 2014 146 Lahatsoratra
- Jona 2014 99 Lahatsoratra
- Mey 2014 94 Lahatsoratra
- Avrily 2014 94 Lahatsoratra
- Marsa 2014 71 Lahatsoratra
- Febroary 2014 127 Lahatsoratra
- Janoary 2014 125 Lahatsoratra
- Desambra 2013 137 Lahatsoratra
- Novambra 2013 137 Lahatsoratra
- Oktobra 2013 133 Lahatsoratra
- Septambra 2013 106 Lahatsoratra
- Aogositra 2013 47 Lahatsoratra
- Jolay 2013 114 Lahatsoratra
- Jona 2013 103 Lahatsoratra
- Mey 2013 76 Lahatsoratra
- Avrily 2013 116 Lahatsoratra
- Marsa 2013 118 Lahatsoratra
- Febroary 2013 95 Lahatsoratra
- Janoary 2013 126 Lahatsoratra
- Desambra 2012 158 Lahatsoratra
- Novambra 2012 210 Lahatsoratra
- Oktobra 2012 124 Lahatsoratra
- Septambra 2012 75 Lahatsoratra
- Aogositra 2012 135 Lahatsoratra
- Jolay 2012 147 Lahatsoratra
- Jona 2012 80 Lahatsoratra
- Mey 2012 97 Lahatsoratra
- Avrily 2012 118 Lahatsoratra
- Marsa 2012 170 Lahatsoratra
- Febroary 2012 106 Lahatsoratra
- Janoary 2012 101 Lahatsoratra
- Desambra 2011 80 Lahatsoratra
- Novambra 2011 91 Lahatsoratra
- Oktobra 2011 142 Lahatsoratra
- Septambra 2011 99 Lahatsoratra
- Aogositra 2011 110 Lahatsoratra
- Jolay 2011 93 Lahatsoratra
- Jona 2011 94 Lahatsoratra
- Mey 2011 87 Lahatsoratra
- Avrily 2011 108 Lahatsoratra
- Marsa 2011 160 Lahatsoratra
- Febroary 2011 130 Lahatsoratra
- Janoary 2011 98 Lahatsoratra
- Desambra 2010 57 Lahatsoratra
- Novambra 2010 59 Lahatsoratra
- Oktobra 2010 82 Lahatsoratra
- Septambra 2010 89 Lahatsoratra
- Aogositra 2010 96 Lahatsoratra
- Jolay 2010 101 Lahatsoratra
- Jona 2010 38 Lahatsoratra
- Mey 2010 44 Lahatsoratra
- Avrily 2010 43 Lahatsoratra
- Marsa 2010 52 Lahatsoratra
- Febroary 2010 47 Lahatsoratra
- Janoary 2010 31 Lahatsoratra
- Desambra 2009 32 Lahatsoratra
- Novambra 2009 28 Lahatsoratra
- Oktobra 2009 36 Lahatsoratra
- Septambra 2009 49 Lahatsoratra
- Aogositra 2009 58 Lahatsoratra
- Jolay 2009 30 Lahatsoratra
- Jona 2009 26 Lahatsoratra
- Mey 2009 68 Lahatsoratra
- Avrily 2009 12 Lahatsoratra
- Marsa 2009 36 Lahatsoratra
- Febroary 2009 70 Lahatsoratra
- Janoary 2009 62 Lahatsoratra
- Desambra 2008 89 Lahatsoratra
- Novambra 2008 14 Lahatsoratra
- Oktobra 2008 51 Lahatsoratra
- Septambra 2008 51 Lahatsoratra
- Aogositra 2008 70 Lahatsoratra
- Jolay 2008 106 Lahatsoratra
- Jona 2008 65 Lahatsoratra
- Mey 2008 95 Lahatsoratra
- Avrily 2008 160 Lahatsoratra
- Marsa 2008 94 Lahatsoratra
- Febroary 2008 20 Lahatsoratra
- Janoary 2008 231 Lahatsoratra
- Desambra 2007 87 Lahatsoratra
- Novambra 2007 104 Lahatsoratra
- Oktobra 2007 111 Lahatsoratra
- Septambra 2007 33 Lahatsoratra
2 hevitra
> Nanoratra izy fa na marina sy manandanja aza izay lazaiko dia tsy raharahan’izay mitondra ny firenena izany fa potehiny avokoa izay manakatsakana ny lalany
Mampalahelo fa ohatry ny miverimberina matetika foana io fomba fitantanam-pitondrana io
P.S: Azafady fa adinona ny nametraka ny firenena tao amin’ny “categories”
Misaotra anao nampilaza e! fa izao e? raha mahita lahatsoratra tsy tafavoaka ianao nefa avy amiko dia efa vita dika iny fa nisy lesoka kely (izay tsy tiako lazaina) nahazo ahy matoa tsy vita. Mety ho ny rohy sisa no tsy vita, dia tonga dia avoahy aza fady e!