Bahamas: Ny setrin'ny heloka bevava?
MpanoratraJanine Mendes-Franco
NandikaAndriamifidisoa Zo
Dikandahatsoratra
Vakio amin'ny teny English
Ny mpikarajia amin'ny onjam-peo maro no mihevitra fa ny fanamafisana ny fanamelohana ho faty no ahafahana misoroka ny fitombon'ny heloka bevava. Miezaka hanazava ny heviny izay mifanohitra amin'izany fironan'ny be sy ny maro izany kosa i Rick Lowe ao amin'ny weblogBahamas.com. Sombiny kely holazaiko voasoratra ao ny hoe misy andraikitry ny rehetra ilay heloka, sy ny hoe mety ho tsy mifanaraka amin'ny heloka ny fanamelohana ary ny fampieritreretana hoe eritrereto tsara raha ny havanao no sanatria voampanga ho voampanga amin'izany fanamelohana izany.
MpanoratraJanine Mendes-Franco
NandikaAndriamifidisoa Zo
4 hevitra
Marihina fa samy nanoratra momba ity fanamelohana ho faty ity avokoa izaho sy i Tomavana koa jereo ireo sao mahaliana anao.
Misaotra an’i Jentilisa 😉 ary aleo angamba marihiko kely fa ny fanamelohana ho faty any Madagasikara no novoaboasanay, ary any amin’ny blaoginay tsirairay avy no ahitana ireo lahantsoratra ireo.
Ny an’ny Tomavana dia azonao jerena eto (tsindrio) ary ny ahy kosa dia azonao vakiana eto (tsindrio koa) satria mifandaka ihany ny hevitray nefa dia miara-miasa soa aman-tsara izahay mirahalahy eto amin’ity sehatra ity.
Tsy voatery hitovy hevitra foana anie, satria samihafa ny taona, ireo làlana nozohina, ny fitaizana, ny traikefa, ny fiaraha-monina nitomboana sns … anefa tsy heverinay fa manakana ny fiaraha-miasa izany. Ny ifankahalalana bebe kokoa mantsy dia isan’ny tanjona iray koa, satria angamba samy eo am-pitadiavana izay hevitra tena mahomby hanasoavana ity firenena iombonana ity na izaho, na izy … na ianao …
Isak’izay mitranga izany dia “ekeko ny tsy fitovian-kevitray” [I agree to disagree | je suis d’accord de notre désaccord] 😉 Ary ny anao mba inona no hevitrao ?