Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Japàna: Mpaka saringajety Japoney maty tany Myanmar

Nandritra ny fihetsiketsehana tamin'ny 27 Septambra, dia maty noho ny tifitra ny mpaka saringajety Nagai Kenji raha mbola teo am-panaovana ny asany izy ka nitatitra ireo zava-mitranga any Myanmar.

Tamin'ny voalohany aloha ny tatitra dia nanambara fa mety ho « bala tsinahy » no nahakasika an'i Nagai, raha nanomboka nitifitra ireo mpikomy ireto mpitandro ny filaminana. Kanefa araky ny ambaran'i Hosaka Nobuto, izay mpanohitra ara-politika ao amin'ny blaoginy :

昨日の夜、日本人ジャーナリスト長井健司さんが死亡したというニュースが飛び込んできた。当初は、「流れ弾にあ たったのか」とも言われたが、1メートルの至近距離からビデオ撮影中に銃撃されたという情報も出てきており、軍事政権兵士によるジャーナリスト殺害であっ た可能性も高い。

Omaly alina dia re fa maty ny mpanao gazety Japoney Nagai Kenji. Tamin'ny voalohany dia nambara fa « bala tsinahy no nahavoa azy » rehefa nodinihina anefa ireo sary dia nisongadina fa iray metatra monja no elanelana nisy ny basy nitifirana azy, karazany mipetraka ankehitriny fa ninian'ireto miaramilan'ny governemanta ny nitifitra ity mpanao gazety ity.

Mazava ho azy fa marobe ireo mpiblaogy izay mitatitra fa i Nagai dia toa karazana nitolo-batana satria tsy mba niviona akory izy raha nipoaka ireto basy. Marobe koa anefa ireo izay manameloka ny fitondrana jadona ara-miaramilan'i Myanmar sy ny fanitsakitsahany ny zon'olombelona.

Isan'ny zavatra tsikaritra amin'ity raharaha ity ny toeran'ny sary sy ny fampiasana azy. Sary iray mitovy no nasehon'ny gazety Asahi Shimbun amin'ny laharana maraina sy hariva, saingy ny sary niseho maraina dia notapahina mba hanafina ny vatan'i Nagai mitsitra amin'ny tany taorian'ny tifitra nahavoa azy. Araky ny nambaran'ny mpiblaogy coral_island,

2枚の写真をよく見てください。実は全く同じ写真なのです。朝刊ではわざわざ銃を構える治安部隊員と、倒れている長井健司さんを外してトリミングをしているのです。同じ写真であるのにこうした細工をすることによって、全く印象の違うものになってしまっています。

Diniho tsara ireo sary roa ireo. Tena sary iray mitovy ireo. Ny laharana maraina ninian-dry zareo mihitsy ny hanapaka ny sary mba tsy ahitana an'i Nagai Kenji sy ilay miaramila nitifitra azy. Tena hafa mihitsy ny vaovao ampitain'ny sary taorian'izany.

Ny tiana ho marihina momba ity raharaha ity dia tsy mba fomban'ny fampahalalam-baovao Japoney ny mampiseho vatana mangatsiakan’ olona maty. Anefa ny laharana harivan'ny gazety Asahi, dia sahy nampiseho an'i Nagai mitsitra amin'ny tany, ary mbola miezaka ny maka sary na dia efa eo am-pialan'aina aza.

Ny mpibalogy Kyo no My News no manome fanampim-panazavana amin'izay antony mety ho nandikana io fomba fanao io tamin'ity voina nihatra tamin'i Nagai ity.

それにしてもテレビは、人が撃たれるところなんかを、平気で流すようになったね。ドラマじゃなくて、本当に起きていることなのに。長井さんの場合は、映像では、撃たれて倒れているけれど、まだ生きていて、死体じゃないからいい、とでも言うのだろうか。

Na izany na tsy izany, ireo televiziona dia tsy mba sahirana mihitsy amin'ny fandefasana sarin'olona maty voatifitra. Marina fa tsy andian-tsarimihetsika ity indray mitoraka ity. Fa tena zavatra nitranga tokoa. Anefa raha ny momba an'i Nagai, dia mbola niaina raha ilay izy voaray teo amin'ny sary iny. Mety noheverin-dry zareo izany fa tsy misy olana, satria sarin'olona mbola velona no aseho fa tsy « vatana mangatsiaka » tsy akory.

4 hevitra

Hiresaka koa

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.